ឯកឧត្តមបណ្ឌិត ជិន​ ម៉ាលីន រដ្ឋលេខាធិការប្រចាំការក្រសួងយុត្តិធម៌ តំណាងដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌បានអញ្ជេីញចូលរួមពិធីបេីក​ "ពិធីបុណ្យសមុទ្រ​ លេីកទី១១​ ឆ្នាំ២០២៤" នៅខេត្តកំពត ======================== នៅល្ងាចថ្ងៃសុក្រ ១៣កើត ខែមិគសិរ​ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤​ ឯកឧត្តមបណ្ឌិត ជិន​ ម៉ាលីន រដ្ឋលេខាធិការប្រចាំការ​ក្រសួង​យុត្តិធម៌​ និងថ្នាក់ដឹកនាំក្រសួងយុត្តិធម៌រួមមានឯកឧត្តម ខាន់​ វណ្ណៈ​ រដ្ឋលេខាធិការ​ក្រសួង​យុត្តិធម៌​ ឯកឧត្ត​ម​ អ៊ូ​ រ៉ាសុី​ រដ្ឋលេខាធិការ​ក្រសួង​យុត្តិធម៌​ និងឯកឧត្ត​ម​ ឯម​ ច័ន្ទ​មករា​ រដ្ឋលេខាធិការ​ក្រសួង​យុត្តិធម៌​ បានអញ្ជេីញចូលរួមពិធីបេីក​ "ពិធីបុណ្យសមុទ្រ​ លេីកទី១១​ ឆ្នាំ២០២៤" នៅខេត្តកំពត​ ប្រធានបទ​ "អបអរបេតិកភណ្ឌ​ និងចីរភាពនៃតំបន់ឆ្នេរ"​ និងក្រោមអធិបតីភាពដ៏ខ្ពង់ខ្ពស់បំផុត​ សម្តេចមហាបវរធិបតី​ ហ៊ុន​ ម៉ាណែត​ នាយករដ្ឋមន្រ្តី​ នៃព្រះរាជាណាចក្រកម្ពុជា​ និងលោកជំទាវ​បណ្ឌិត​ ពេជ​ ចន្ទមុន្នី​ ហ៊ុនម៉ាណែត។