ជួបជាមួយសប្បុរសជនមកពីសមាគមសិល្បករខ្មែរ និងបណ្តាអង្គការ-សហព័ន្ធ និងក្លឹបកីឡា ក្នុងជំនួបសម្តែងការគួរសម និងពិភាក្សារការងារ នៅវិមានសន្តិភាព។ ក្នុងនាមរាជរដ្ឋាភិបាល​សូមថ្លែងអំណរគុណដល់សិល្បករ​ សិល្បការិនី​ និងកីឡាករ​ កីឡាការិនីទាំងអស់​ ដែលបានចូលរួមចំណែកក្នុងការកសាងខឿនការពារជាតិ​ តាមរយ:មូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន​ ផ្តោតលេីការកសាងផ្លូវក្រវាត់ព្រំដែន កន្លងទៅ។ សិល្បករ​ និងកីឡាករ​ មិនត្រឹមតែបានចូលរួមថែរក្សា​ និងលេីកកម្ពស់វប្បធម៌​ ប្រពៃណី​ដ៏ល្អផូផង់របស់ខ្មែរទេ​ តែការចូលរួមដោយទឹកចិត្តជាមួយរាជរដ្ឋាភិបាល​ គឺជាទឹកចិត្តដ៏ល្អប្រពៃក្នុងការលេីកកម្ពស់ស្មារតីស្នេហាជាតិ​ និងចែករំលែកក្តីស្រលាញ់របស់ខ្លួន​ រួមជាមួយនឹងការអភិវឌ្ឍ​ និងកសាងផ្លូវនៅតាមបណ្តោយព្រំដែន​ ដែលបង្កេីតបានការរីកចំម្រេីនថ្មីបន្ថែមផង​ និងក្លាយជាខឿនការពារជាតិរឹងមាំយូរអង្វែងផងដែរ។ រាជធានីភ្នំពេញ ព្រឹកថ្ងៃពុធ ទី២៥ ខែធ្នូ ឆ្នាំ២០២៤