សម្តេចតេជោ ហ៊ុន សែន អញ្ជើញជាអធិបតីពិធីបើកសមាជរដ្ឋសភា និងព្រឹទ្ធសភា លើកទី១

សម្តេចតេជោ ហ៊ុន សែន អញ្ជើញជាអធិបតីពិធីបើកសមាជរដ្ឋសភា និងព្រឹទ្ធសភា លើកទី១   ភ្នំពេញនាព្រឹកថ្ងៃចន្ទ៧កើតខែជេស្ឋឆ្នាំម្សាញ់សប្ដស័កពុទ្ធសករាជ២៥៦៩ត្រូវនិង ថ្ងៃទី០២ ខែមិថុនា ឆ្នាំ២០២៥  សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសមាជរដ្ឋសភា​និងព្រឹទ្ធសភា អញ្ជើញជាអធិបតីពិធីបើកសមាជរដ្ឋសភា និងព្រឹទ្ធសភា លើកទី១ ឆ្នាំ២០២៥ នៅវិមានរដ្ឋសភា រាជធានីភ្នំពេញ  នាព្រឹកថ្ងៃទី០២ ខែមិថុនា ឆ្នាំ២០២៥ ដើម្បីពិភាក្សាលើប្រធានបទ ៣ សំខាន់ៗ រួមមាន៖ ទី១ ប្រព័ន្ធគាំពារសង្គម ទី២ សេដ្ឋកិច្ចក្រៅប្រព័ន្ធ ទី៣ វិស័យកសិកម្ម។  អង្គសមាជនាព្រឹកនេះ មានការអញ្ជើញចូលរួមពីសំណាក់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងសមាជិក សមាជិការដ្ឋសភា ព្រឹទ្ធសភា និងរាជរដ្ឋាភិបាលជាច្រើនរូបទៀត។