លោក​ ចេង​ ឌីណា​ អភិបាល​ នៃ​គណៈ​អភិបាល​ស្រុក​ខ្សាច់កណ្ដាល​ បានដឹកនាំកិច្ចប្រជុំគណៈបញ្ជាការឯកភាពរដ្ឋបាលស្រុក ដោយផ្ដោតទៅលើការតាំងចិត្តប្ដេជ្ញារួមគ្នាដើម្បីបង្ក្រាបបទល្មើសឆបោកតាមប្រព័ន្ធបច្ចេកវិទ្យា ក្នុងមូលដ្ឋានស្រុកខ្សាច់កណ្ដាល។

 

បន្ទាប់ពីកិច្ចប្រជុំនេះហើយ គណៈបញ្ជាការឯកភាពរដ្ឋបាលស្រុក កងកម្លាំង អាជ្ញាធរឃុំ និងប៉ុស្ត៍នគរបាលរដ្ឋបាល ត្រូវស្រុះដៃគ្នាក្នុងការចុះអនុវត្តឲ្យស្របទៅតាមបទបញ្ជាលេខ០១ របស់រាជរដ្ឋាភិបាល និងការណែនាំដោយផ្ទាល់របស់ឯកឧត្តមអភិបាលខេត្ត ត្រូវធ្វើការតាមដានត្រួតពិនិត្យជាប្រចាំទៅលើទីតាំងដែលសង្ស័យ ត្រូវមានរបាយការណ៏ ករណីចាំបាច់ត្រូវសុំគោលការណ៍ពីថ្នាក់លើដើម្បីមានវិធានការទាន់ឲ្យសភាពការណ៍។ 

ជាមួយគ្នានេះ អាជ្ញាធរ និងកម្លាំងមានសមត្ថកិច្ច ត្រូវមានកិច្ចសហការណ៍ល្អជាមួយប្រជាពលរដ្ឋផងដែរក្នុងការរាយការណ៍ និងផ្តល់តំរុយមកសមត្ថកិច្ចអំពីករណីដែលមានការសង្ស័យ ដើម្បីឲ្យសមត្ថកិច្ចចាត់វិធានការបង្ក្រាបបានទាន់ពេលវេលា។

នាព្រឹក​ថ្ងៃទី១៦ ខែកក្កដា ឆ្នាំ២០២៥ 

#ស្រុកខ្សាច់កណ្តាល 

#ខេត្តកណ្តាល