ប៉ុន្មានថ្ងៃនេះ ឃើញក្រុមប្រឆាំងនៅក្រៅស្រុកនិងបណ្តាញផ្សព្វផ្សាយតាមហ្វេសប៊ុកមួយចំនួនដែលផ្សាយពីក្រៅប្រទេស បានព្យាយាមបំភ្លៃ និងបំផ្លើស ញុះញង់ខុសពីការពិតទាក់ទងនឹងភូមិព្រៃចាន់ និងភូមិជោគជ័យ ដើម្បីបម្រើរបៀបវារៈនយោបាយ និងបំផ្លាញកិច្ចខិតខំប្រឹងប្រែងរបស់រាជរដ្ឋាភិបាល។ បើអានឱ្យច្បាស់សេចក្តីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែនគឺច្បាស់ណាស់ គឺការងារព្រំដែននេះ គឺធ្វើឡើងឈរលើមូលដ្ឋានឯកសារគតិយុត្តដែលបន្សល់ទុកពីអាណាព្យាបាលបារាំង មិនមែនតាមការស្រមើស្រម៉ៃ និងកញ្ចក់កណ្តៀតឡើយ។ ដូច្នេះ សូមសាធារណជនកុំលង់ក្នុងឧបាយកលនៃការបំភ្លៃរបស់ក្រុមប្រឆាំងរត់ចោលស្រុក និងជឿជាក់លើរាជរដ្ឋាភិបាល លើរដ្ឋលេខាធិការដ្ឋានកិច្ចការព្រំដែនធ្វើការដោយវិជ្ជាជីវៈ និងដែលជានិច្ចកាលគឺតម្តល់ផលប្រយោជន៍ជាតិ និងការពារបូរណភាពទឹកដីនិងអធិបត្យភាពជាតិជាធំ។
«ពាក់ព័ន្ធការងារវាស់វែងនិងខណ្ឌសីមាព្រំដែនគោកកម្ពុជា-ថៃ ក្រុមវាស់វែងចម្រុះនៃភាគីទាំងពីរបានចាប់ផ្តើមចុះអនុវត្តការងារនៅលើដីជាក់ស្ដែងចាប់តាំងពីឆ្នាំ២០០៦មកម្លេះ ដើម្បីវាស់វែងនិងស្វែងរុករកទីតាំងពិតប្រាកដនៃបង្គោលព្រំដែន(បេតុង)ចំនួន ៧៤បង្គោល ដែលបានបោះដោយគណៈកម្មការបោះបង្គោលព្រំដែនរវាងឥណ្ឌូចិន-សៀម នៅចន្លោះឆ្នាំ១៩១៩-១៩២០។ ការងារវាស់វែងនិងស្វែងរុករកទីតាំងពិតប្រាកដនៃបង្គោលព្រំដែនទាំងនេះ ដែលក្នុងនោះរួមទាំងបង្គោល ព្រំដែនលេខ៤២ ដល់៤៧ ផងដែរ គឺធ្វើឡើងយ៉ាងហ្មត់ចត់និងទទួលខុសត្រូវខ្ពស់បំផុត ដោយឈរលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០»។ នេះជាសម្រង់ចេញពីសេចក្តីប្រកាសព័ត៌មានរបស់រដ្ឋលេខាធិការដ្ឋានកិច្ចការព្រំដែន កាលពីថ្ងៃទី២១ ខែវិច្ឆិកា កន្លងទៅ។
ប្រភព: ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន
No comments:
Post a Comment