ឯកឧត្ដមបណ្ឌិត ណុប នរិន្ទ អញ្ជើញជាអធិបតីក្នុងកិច្ចប្រជុំផ្សព្វផ្សាយរបាយការណ៍ និងលើកទិសដៅការងារបន្ត នៅឃុំបាយដំរាំ

(បាត់ដំបង)៖ នាព្រឹកថ្ងៃសៅរ៍ ១០ កើត ខែចែត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមីនា ឆ្នាំ២០២៦ ឯកឧត្ដមបណ្ឌិត ណុប នរិន្ទ ប្រធានក្រុមការងាររាជរដ្ឋាភិបាលចុះជួយមូលដ្ឋានឃុំបាយដំរាំ ស្រុកបាណន់ ខេត្តបាត់ដំបង បានអញ្ជើញជាអធិបតីក្នុងកិច្ចប្រជុំផ្សព្វផ្សាយរបាយការណ៍ស្តីពីសភាពការណ៍ទូទៅរបស់គណបក្សប្រជាជនកម្ពុជាឆ្នាំ២០២៥ និងលើកទិសដៅការងារបន្តសម្រាប់ឆ្នាំ២០២៦។
កិច្ចប្រជុំនេះបានប្រព្រឹត្តទៅនៅទីស្នាក់ការគណបក្សឃុំបាយដំរាំ ដោយមានការចូលរួមពីថ្នាក់ដឹកនាំ អនុប្រធានក្រុមការងារ និងសមាជិក សមាជិកាសរុបចំនួន ១២៨ នាក់ ក្នុងស្មារតីសាមគ្គីភាពយ៉ាងមុតមាំ។

✨ ចំណុចសំខាន់ៗក្នុងអង្គប្រជុំ៖
✅ បូកសរុបលទ្ធផលឆ្នាំ២០២៥៖
បង្ហាញពីសមិទ្ធផលធំៗដែលសម្រេចបានក្នុងមូលដ្ឋាន។
✅ ទិសដៅការងារឆ្នាំ២០២៦៖
ផ្ដោតលើការពង្រឹងមូលដ្ឋាន ការលើកកម្ពស់ជីវភាពប្រជាពលរដ្ឋ និងការកសាងសាមគ្គីភាពផ្ទៃក្នុង។
✅ ការដោះស្រាយបញ្ហាប្រឈម៖ បើកឱកាសឱ្យសមាជិកបញ្ចេញមតិយោបល់ ដើម្បីរួមគ្នារកដំណោះស្រាយប្រកបដោយប្រសិទ្ធភាព។
🤝 សកម្មភាពមនុស្សធម៌ និងការយកចិត្តទុកដាក់៖ បន្ទាប់ពីបញ្ចប់កិច្ចប្រជុំ ឯកឧត្ដមបណ្ឌិត ណុប នរិន្ទ បានដឹកនាំក្រុមការងារចុះសួរសុខទុក្ខមន្រ្តីមូលដ្ឋានដែលកំពុងមានជំងឺ និងបានផ្តល់ថវិកាឧបត្ថម្ភដើម្បីសម្រាលការលំបាក។ សរុបថវិកាចំណាយក្នុងកម្មវិធី រួមមាន៖
💰 ៦,១៧០,០០០ រៀល
💰 ៣,៥០០ ដុល្លារ
ឯកឧត្ដមបណ្ឌិត ក៏បានថ្លែងអំណរគុណយ៉ាងជ្រាលជ្រៅចំពោះស្មារតីទទួលខុសត្រូវខ្ពស់របស់ក្រុមការងារទាំងអស់ ដែលតែងតែរួមសុខរួមទុក្ខជាមួយប្រជាពលរដ្ឋនៅមូលដ្ឋានជានិច្ច។