អភិបាលខណ្ឌមានជ័យ បន្តសកម្មភាពចុះផ្សព្វផ្សាយអនុក្រឹត្យលេខ ០៣ និងត្រួតពិនិត្យការគ្រប់គ្រងជនបរទេស

រាជធានីភ្នំពេញ៖ នាថ្ងៃអាទិត្យ ៤កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែមីនា ឆ្នាំ២០២៦ នេះ លោក សេង គន្ធ អភិបាលនៃគណៈអភិបាលខណ្ឌមានជ័យ បានបន្តដឹកនាំកម្លាំងចុះអនុវត្តការងារផ្សព្វផ្សាយ អនុក្រឹត្យលេខ ០៣ អនក្រ.បក និងត្រួតពិនិត្យការគ្រប់គ្រងជនបរទេសដែលកំពុងស្នាក់នៅក្នុងមូលដ្ឋានខណ្ឌមានជ័យ។

✳️ចំណុចសំខាន់ៗនៃសកម្មភាព៖
✅ការពង្រឹងច្បាប់អន្តោប្រវេសន៍៖ ការចុះត្រួតពិនិត្យនេះធ្វើឡើងក្នុងគោលបំណងពង្រឹងការអនុវត្តច្បាប់ស្តីពីអន្តោប្រវេសន៍ និងធានាថាជនបរទេសទាំងអស់ដែលស្នាក់នៅក្នុងមូលដ្ឋាន មានឯកសារគតិយុត្តត្រឹមត្រូវ។
✅ការអប់រំ និងណែនាំ៖ ក្រុមការងារបានធ្វើការណែនាំដល់ម្ចាស់ទីតាំងស្នាក់នៅ (ផ្ទះជួល ខុនដូ សណ្ឋាគារ) ឱ្យយល់ដឹងកាន់តែច្បាស់អំពីកាតព្វកិច្ចនៃការរាយការណ៍ និងការគ្រប់គ្រងការស្នាក់នៅរបស់ជនបរទេស ស្របតាមអនុក្រឹត្យលេខ ០៣។

 ✅សន្តិសុខ និងសណ្តាប់ធ្នាប់៖ សកម្មភាពនេះក៏ជាផ្នែកមួយនៃការរក្សាសន្តិសុខ សុវត្ថិភាព និងសណ្តាប់ធ្នាប់សាធារណៈ ក្នុងភូមិសាស្ត្រខណ្ឌមានជ័យទាំងមូលផងដែរ។

រដ្ឋបាលខណ្ឌមានជ័យ នៅតែបន្តយកចិត្តទុកដាក់ខ្ពស់លើការងារគ្រប់គ្រងជនបរទេស ដើម្បីបង្ការរាល់បាតុភាពអសកម្ម និងបទល្មើសផ្សេងៗដែលអាចកើតមាន។

#ខណ្ឌមានជ័យ #សន្តិសុខមូលដ្ឋាន #អនុវត្តច្បាប់ #គ្រប់គ្រងជនបរទេស #សេងគន្