កិច្ចប្រជុំពេញអង្គគណៈរដ្ឋមន្ត្រី ដើម្បីសម្រេចលើរបៀបវារៈសំខាន់ៗចំនួន ៥

ថ្ងៃនេះ រាជរដ្ឋាភិបាលបានបើកកិច្ចប្រជុំពេញអង្គគណៈរដ្ឋមន្ត្រី ដើម្បីពិនិត្យ និងសម្រេចលើរបៀបវារៈសំខាន់ៗចំនួន ៥ ដែលជាគ្រឹះដ៏សំខាន់សម្រាប់កិច្ចអភិវឌ្ឍន៍ជាតិ និងសុខុមាលភាពប្រជាពលរដ្ឋ៖

១. ក្របខ័ណ្ឌហិរញ្ញវត្ថុសាធារណៈ (២០២៧-២០២៩)៖ ដើម្បីពង្រឹងស្ថិរភាពសេដ្ឋកិច្ច និងប្រសិទ្ធភាពនៃការគ្រប់គ្រងថវិកាជាតិ។
២. ច្បាប់ស្តីពីកាតព្វកិច្ចយោធា៖ ការពង្រឹងសមត្ថភាពការពារជាតិ និងការចូលរួមរបស់យុវជនក្នុងបុព្វហេតុជាតិ។
៣. កម្មវិធីវិនិយោគសាធារណៈ ៣ឆ្នាំរំកិល (២០២៧-២០២៩)៖ ការដាក់ចេញនូវគម្រោងអភិវឌ្ឍន៍ហេដ្ឋារចនាសម្ព័ន្ធ និងសេវាសាធារណៈដែលជាអាទិភាព។
៤. គោលនយោបាយជាតិស្តីពីសកម្មភាពមីន (២០២៦-២០៣៥)៖ ការប្តេជ្ញាចិត្តឆ្ពោះទៅរកប្រទេសគ្មានមីន និងការធានាសុវត្ថិភាពជូនប្រជាជន។
៥. ការជួយអតីតពលករវិលត្រឡប់ពីថៃ៖ ការតាមដានវឌ្ឍនភាពនៃការផ្តល់ការងារ និងការគាំពារសង្គម ដើម្បីជីវភាពរស់នៅដ៏ប្រសើរ។
រាជរដ្ឋាភិបាលបន្តខិតខំប្រឹងប្រែងយ៉ាងសកម្ម ដើម្បីធានាឱ្យបាននូវការអភិវឌ្ឍប្រកបដោយចីរភាព និងផលប្រយោជន៍ជូនជាតិ និងប្រជាជនគ្រប់រូប។