នាព្រឹក ថ្ងៃអាទិត្យ ១កើតខែពិសាខឆ្នាំម្សាញ់សប្ដស័កពុទ្ធសករាជ២៥៦៨ត្រូវនិងថ្ងៃទី២៧ ខែមេសា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ក្នុងពិធីសំណេះសំណាលជាមួយសហជីព សេដ្ឋកិច្ចក្រៅប្រព័ន្ធ និងសមាគមបុគ្គលិកសិក្សា ដើម្បីអបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្ដរជាតិ ១ ឧសភា ឆ្នាំ២០២៥។ ពិធីនេះ ប្រារព្ធធ្វើនៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ រាជធានីភ្នំពេញ ដោយមានអ្នកចូលរួមសរុបជិត ៦ពាន់នាក់ មកពីសេដ្ឋកិច្ចក្រៅប្រព័ន្ធ សហព័ន្ធសហជីព សហជីពមូលដ្ឋាន ក្រុមហ៊ុន រោងចក្រ សហគ្រាស៕