លោក សេង គន្ធ អភិបាលខណ្ឌមានជ័យ បន្តដឹកនាំក្រុមការងារចុះផ្សព្វផ្សាយអនុក្រឹត្យលេខ០៣ និងពិនិត្យការគ្រប់គ្រងជនបរទេសក្នុងមូលដ្ឋាន

 
នាព្រឹកថ្ងៃសៅរ៍ ២កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៨ ខែមេសា ឆ្នាំ២០២៦ លោក សេង គន្ធ អភិបាលនៃគណៈអភិបាលខណ្ឌមានជ័យ បានបន្តដឹកនាំកម្លាំងចម្រុះចុះសកម្មភាពផ្ទាល់ក្នុងមូលដ្ឋាន ដើម្បី៖

✅ ផ្សព្វផ្សាយអនុក្រឹត្យលេខ ០៣ អនក្រ.បក ជូនដល់ម្ចាស់ទីតាំងស្នាក់នៅ និងបងប្អូនប្រជាពលរដ្ឋឱ្យបានជ្រាបកាន់តែច្បាស់។
✅ ពិនិត្យ និងគ្រប់គ្រងស្ថិតិជនបរទេស ដែលស្នាក់នៅក្នុងភូមិសាស្ត្រខណ្ឌមានជ័យ ធានាឱ្យបាននូវការគោរពច្បាប់អន្តោប្រវេសន៍ និងសន្តិសុខសណ្តាប់ធ្នាប់។
✅ ពង្រឹងសុវត្ថិភាពមូលដ្ឋាន និងជំរុញការចូលរួមសហការពីគ្រប់ភាគីពាក់ព័ន្ធ ក្នុងការរាយការណ៍ និងចុះបញ្ជីស្នាក់នៅឱ្យបានត្រឹមត្រូវ។
រដ្ឋបាលខណ្ឌមានជ័យ ប្តេជ្ញាបន្តសកម្មភាពចុះពង្រឹងច្បាប់ ដើម្បីបង្កើនភាពកក់ក្តៅជូនបងប្អូនប្រជាពលរដ្ឋក្នុងមូលដ្ឋានទាំងមូល។