ដំណើរទស្សនកិច្ចសិក្សារបស់យុវជនជំនាន់ថ្មី ទៅកាន់ទឹកដីបេតិកភណ្ឌប្រវត្តិសាស្ត្រ

 📍 ខេត្តកំពង់ធំ-សៀមរាប ÷ មោទនភាពយុវជនខ្មែរ! វិទ្យាស្ថានខ្មែរជំនាន់ថ្មី បានដឹកនាំនិស្សិតអាហារូបករណ៍សរុបចំនួន ២០០នាក់ ក្នុងដំណើរទស្សនកិច្ចសិក្សារយៈពេល ២យប់ ៣ថ្ងៃ ដើម្បីក្រេបជញ្ជក់ចំណេះដឹងក្រៅថ្នាក់ និងស្វែងយល់ពីឫសគល់នៃវប្បធម៌ដូនតា។
ដឹកនាំដោយផ្ទាល់ដោយ លោកសាស្ត្រាចារ្យបណ្ឌិត កុល សារូ តំណាងដ៏ខ្ពង់ខ្ពស់របស់ ឯកឧត្តមបណ្ឌិត ណុប នរិន្ទ ក្រុមនិស្សិតអាហារូបករណ៍ សម្តេចអគ្គមហាសេនាបតីតេជោ-ធិបតី និងអាហារូបករណ៍ ឯកឧត្តមអភិសន្តិបណ្ឌិត ស សុខា បានធ្វើដំណើរមកដល់តំបន់បេតិកភណ្ឌពិភពលោក "ប្រាសាទសម្បូរព្រៃគុក" ដោយសុវត្ថិភាព និងក្តីរំភើបរីករាយ។

✨ គោលបំណងសំខាន់ៗនៃដំណើរទស្សនកិច្ចនេះ រួមមាន៖
✅ ពង្រឹងចំណេះដឹងជាក់ស្តែង៖ ផ្សារភ្ជាប់ទ្រឹស្តីក្នុងថ្នាក់ ទៅនឹងស្ថានភាពពិតនៅតាមតំបន់ប្រវត្តិសាស្ត្រ និងសេដ្ឋកិច្ចសង្គម។
✅ អភិវឌ្ឍធនធានមនុស្ស៖ បណ្តុះសីលធម៌ ភាពជាអ្នកដឹកនាំ និងសមត្ថភាពបញ្ញា ដើម្បីក្លាយជាកម្លាំងស្នូលនៃប្រទេសជាតិ។
✅ ថែរក្សាអត្តសញ្ញាណជាតិ៖ ស្វែងយល់ពីតម្លៃមរតកវប្បធម៌ និងបណ្តុះស្មារតីស្នេហាជាតិមាតុភូមិឱ្យកាន់តែរឹងមាំ។
✅ សាមគ្គីភាព និងការងារក្រុម៖ បង្កើនភាពស្និទ្ធស្នាល និងបណ្តាញទំនាក់ទំនងល្អរវាងនិស្សិតមកពីគ្រប់មជ្ឈដ្ឋាន។
✅ យល់ដឹងពីសហគមន៍៖ សិក្សាពីជីវភាពរស់នៅរបស់ប្រជាពលរដ្ឋ និងសក្តានុពលវិស័យទេសចរណ៍ក្នុងតំបន់។

🏛️ បច្ចុប្បន្ន ក្រុមនិស្សិតកំពុងសិក្សា និងស្វែងយល់យ៉ាងសកម្មពីប្រវត្តិសាស្ត្រដ៏រុងរឿងនៅប្រាសាទសម្បូរព្រៃគុក ដែលជាមរតកដ៏មានតម្លៃមិនអាចកាត់ថ្លៃបានរបស់ជាតិខ្មែរ។
សូមចូលរួមផ្តល់កម្លាំងចិត្តដល់ប្អូនៗនិស្សិតទាំងអស់គ្នា ក្នុងការធ្វើដំណើរស្វែងរកចំណេះដឹង និងបទពិសោធន៍ថ្មីៗនេះ! 🙏✨