ឯកឧត្តម នេត ភក្ត្រា អញ្ជើញជួបសំណេះសំណាលជាមួយបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ ក្នុងស្រុកចិត្របុរី

 ខេត្តក្រចេះ៖ នៅព្រឹកថ្ងៃទី១៦ ខែតុលា ឆ្នាំ២០២៦ ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតីក្នុងពិធីជួបសំណេះសំណាលជាមួយបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ នៅក្នុងស្រុកចិត្របុរី ខេត្តក្រចេះ។

 ពិធីនេះក៏មានការអញ្ជើញអមដំណើរដោយ៖

🔹 ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន និងជាប្រធានក្រុមការងារថ្នាក់កណ្តាលចុះជួយស្រុកចិត្របុរី

🔹 ឯកឧត្តម ហេង រតនៈ ប្រធានក្រុមការងារថ្នាក់កណ្តាលចុះជួយឃុំថ្មគ្រែ

🔹 ព្រមទាំងមន្ត្រីពាក់ព័ន្ធជាច្រើនរូបទៀត។

ជំនួបសំណេះសំណាលនេះ រៀបចំឡើងក្នុងគោលបំណង៖

១. ពង្រឹងស្មារតី និងសាមគ្គីភាព

២. ផ្លាស់ប្តូរមតិយោបល់ និងតម្រង់ទិសការងារសំខាន់ៗជូនដល់បេក្ខជនទាំងអស់

៣. ត្រៀមលក្ខណៈសម្បត្តិឱ្យបានល្អប្រសើរក្នុងការបម្រើប្រជាពលរដ្ឋនៅក្នុងមូលដ្ឋាន និងត្រៀមលក្ខណៈសម្រាប់ការបោះឆ្នោតនាពេលខាងមុខ។